លីមីត (Limit) គឺជាមេរៀនដំបូងគេបង្អស់នៅក្នុងសៀវភៅគណិតវិទ្យាថ្នាក់ទី ១២ និងជាគ្រឹះសម្រាប់រៀនដេរីវេ និងសិក្សាអនុគមន៍។ បើអ្នកមិនចេះលីមីត អ្នកនឹងជាប់គាំងនៅមេរៀនក្រោយៗ។ ខាងក្រោមនេះជាទម្រង់លីមីតសំខាន់ៗដែលអ្នកត្រូវតែចាំ។ ១. ទម្រង់មិនកំណត់ (Indeterminate Forms) ក្នុងការប្រឡងបាក់ឌុប លីមីតដែលចេញញឹកញាប់បំផុតគឺទម្រង់មិនកំណត់។ ០/០ (សូន្យលើសូន្យ): ប្រើវិធីគុណកន្សោមឆ្លាស់ ឬដាក់ជាកត្តាដើម្បីសម្រួល។ ∞/∞ (អនន្តលើអនន្ត): ទាញតួដែលមានដឺក្រេខ្ពស់ជាងគេជាកត្តា។ ∞ - ∞ (អនន្ត ដក អនន្ត): គុណកន្សោមឆ្លាស់ ឬតម្រូវភាគបែង។ ២. រូបមន្តលីមីតត្រីកោណមាត្រ ដាច់ខាតត្រូវចាំរូបមន្តមូលដ្ឋាន៖ lim (x→0) នៃ sin(x)/x = 1 lim (x→0) នៃ (1 - cos(x)) / x = 0 បើមិនចាំពីរនេះទេ អ្នកនឹងពិបាកដោះស្រាយលំហាត់លីមីតដែលមានអនុគមន៍ត្រីកោណមាត្រណាស់។ ៣. លីមីតអិចស្ប៉ូណង់ស្យែល និងឡូការីត សិស្សភាគច្រើនភ្លេចផ្នែកនេះ។ សូមរំលឹកឡើងវិញនូវលីមីតនៃ e^x និង ln(x) នៅពេល x ខិតជិតទៅរកអនន្ត (+∞)។ វាសំខាន់ណាស់សម្រាប់ការសិក្សាកំណើននៃអនុគមន៍។ ៤. ប្រើក្បួនឡូពីតាល់ (L'Hôpital's Rule) បានទេ? នៅក្នុងការប្រឡងបាក់ឌុបជាផ្លូវការ ក្រសួងមិនលើកទឹកចិត្តឱ្យប្រើក្បួនឡូពីតាល់ (Derive លើ Derive ក្រោម) ទេ លុះត្រាតែទាល់តម្រិះ។ យកល្អគួរប្រើវិធីបំបែកតាមបែបពីជគណិតធម្មតា ទើបទទួលបានពិន្ទុពេញ។ សន្និដ្ឋាន លីមីតមិនពិបាកទេ ឱ្យតែអ្នកមើលទម្រង់វាស្គាល់។ អនុវត្តលំហាត់លីមីតឱ្យបានយ៉ាងតិច ១០ លំហាត់ក្នុងមួយថ្ងៃជាមួយ BrainTest Fun ដើម្បីឱ្យដៃរបស់អ្នកស្ទាត់។
អត្ថបទអប់រំ